«Астанаға саяхат»

«Кітапханадағы жаз» бағдарламасы аясында 2018 жылдың 11 шілде күні «Астана – менің Елордам» алаңында «Астанаға саяхат» тақырыбында танымды сағат өтті. Сабақтың мақсаты: жазғы демалыстарын пайдалы өткізу, Астана күніне орай, астанамыз туралы білімдерін толықтыру, кітапхананы тамашалап, кітап оқуға деген ынтазарлығын ояту.

Қарағанды қ. №38 гимназиясының жанынан бастауыш сыныптарына арналып ашылған лагердің балалары келіп, кітапхана ұйымдастырған түрлі қызықты ойындарға қатысты. Астанамыз жайлы көрсетілген видеоны мұқият қарап, кішкентай бүлдіршіндер өз әсерлерімен бөлісті. Сабақты қорытыныдылау мақсатында «Әсем қала» атты ойын-сауалнама ұйымдастырылды. Онда Астанаға қатысты әр түрлі суретті сауалдар қойылып, балалар асқан қызығушылықпен әр сұраққа жауап беруге тырысты. Ойнау барысында балақайлардың көңілдері серпіп, күнді жақсы бастауға ниетті болды.

Әрбір ата-ана балаларының жаздағы демалыстарын пайдалы өткізуін қалайды. Біздің кітапханада ол үшін жағдай жасалған. Әр дүйсенбі, сәрсенбі күндері келіп, мектептен алған білімдерін ойын технологиясы арқылы ұштауға, кітап оқуға деген қызығушылықтарын оятуға болады. Келіңіздер! Біз сіздерді асыға күтеміз!

Көне және құнды кітаптар әлеміне саяхат

«Кітапханадағы жаз» шығармашылық алаңының бүгінгі сабағында «Негізгі қорларды сақтау» бөліміндегі өте сирек және құнды кітаптар топтамасынан үш тілде балаларға арналған «Көне және құнды кітаптар әлеміне саяхат» атты көрме ұсынылды. Көрмеге қойылған  кіші көлемдегі спорт тақырыбына, сондай-ақ, балалардың күнделікті көгілдір экраннан көріп жүрген мультсериал кейіпкерлері: ниндзя, гоблиндер, диназаворлар және де әлемнің жеті кереметі мен жан-жануарлар әлеміне арналған арнайы көзілдірігі бар ерекше безендірілген 3D-форматтағы кітаптардың суреттерін балалар үлкен қызығушылықпен тамашалады. Ерекше көрме балалардың көңілінен шықты деген ойдамыз. Олай дейтініміз – кітапқа, оқуға деген қызығушылықтары балғындардың көзқарастарынан байқалып тұрды.

Өнерді шыңдай білейік

18 шілде күні «Кітапханадағы жаз» акциясы аясында кітапхананың конферец-залында латынша Q әрпіне сурет салу шығармашылық дамыту конкурсы өткізілді.

Конкурстың мақсаты: сурет салу және латын әліпбиіндегі Q әрпін оқырман қауымға насихаттау. Конкурсқа Қарағанды қаласының №92 гимназиясының 5-12 жас аралығындағы балалары қатысты. Латын әліпбиіндегі Q әрпін пайдаланып, конкурс қатысушылары Қарағанды қаласының табиғатын негізге ала отырып, өз ойларынан суреттер салды. Сурет салуда әр қатысушының қиялы жоғары екендігін анықтау қиын емес. Себебі, балалардың шеберліктері жан сүйсінерліктей болды.

Болашаққа берілген дұрыс бағыт – бағдардың оңтайлы нәтижесін болашақ ұрпақтан көруімізге болады. Балалардың сурет салудағы ерекшеліктері - жұмыс барысында бір – біріне кедергі жасамау, қағаз бетіне түсіретін ойдағы бейнені қаз қалпында салу, нұсқаушыдан жинақы бағыт күту. Міне, осындай өнерлері ұйымдастырушыларды тәнті қылды.

Адамның бойындағы дарынды көре білу де үлкен қасиет дер едім. Кітапханамыздың жас та болса өнерлі, шабытты оқырмандары еліміздің дамуына өз үлестерін осылайша қосуда.

Құрметті оқырман, сіздерді де шығармашылық шабыт, өнерлі қасиеттеріңіз болса, акциямызға қатысуға шақырамыз.