Бұл бөлімде сіздер үшін өте қызықты кітаптар ұсынылған.
Ермек Өтетілеуұлы. Суреттер сөйлейді. Говорящие картинки. Talking pictures . Алматыкітап баспасы, 2009.- 37 бет.
Балалардың ой-өрісін дамытуға арналған бұл кітапта төрт-түлік, жан-жануарлар мен аң-құстардың суреттері беріліп, әр суретке үш тілде өлең түрінде түсініктеме берілген. Кітаптың тілі жатық, балалардың оқуына жеңіл.
Баянбай, Қ. 100 жұмбақ [Мәтін] : [мектепке дейінгі жастағы балалар мен төменгі сынып оқушыларына арналған жинақ] / Қ. Баянбай. - Алматы : Аруна, [2012]. - 40 б. : түрлі-түсті сурет.
Ақылыңа ақыл қос: / Әлібек Файзуллаев. – Алматы: «Таймс» баспа үйі, 2016. – 192 бет.
О бастан әділдікке, адамгершілікке бастайтын жол – ата-ананың балаға берер тәлім-тәрбиесі.
Демек, жас өскін ұрпақ осы кітаптан өзіне өмірлік серік - сенімділікті, адами қасиеттерді бойына сіңіре алады.
Кітаптағы әңгіме арқауы қысқа да нұсқа, түсінікті тілмен түйінделген.
Күмісбайұлы, Ш. 111 жұмбақ-әңгімелер [Мәтін] : жинақ / Ш. Күмісбайұлы; Қазақстан Республикасы Білім және ғылым министрлігі ұсынған. - Алматы : Аруна Ltd, 2011. - 121 б.
Ермек Өтетілеуұлы. Апта. Неделя. The week. Бес саусақ. Пять пальцев. The five fingers. Алматы, 2006. - 31 бет.
Үш тілде жазылған бұл кітап бүлдіршіндерге апта күндері мен саусақ атауларын үйретеді. Оқырмандардың зейінін ашып, білімін кеңейтуге арналған аталмыш кітап мектепалды жастағы және бастауыш сыныпта оқитын сәбилерге арналған.
Ертегім неткен... мұратына жеткен. Қазақ ертегілерінің антологиясы. – Алматы: Аруна баспасы, 2010. – 72 бет.
Кітапта бірнеше қазақ ертегілері жинақталған. Сан алуан тақырыпты қамтитын бұл ертегілер балалардың қиялын дамытып, зейінін ашуға көп септігін тигізеді.
Қазақ және әлем халықтарының ертегілері. – Алматы: «Балауса» баспасы, 2009. – 176 бет.
Бұл кітапта түрлі халықтың ертегілері жинақталған. Аталмыш ертегілер «Тұрмыс-салт ертегілері», «Қиял-ғажайып ертегілері», «Азия халықтарының ертегілері», «Еуропа халықтарының ертегілері» деген төрт топқа жіктелген. Кітап балаларға арналған.
Қазақ жұмбақтары [Мәтін] : [жинақ] / Қазақстан Республикасы Мәдениет және ақпарат министрлігі, Ақпарат және Мұрағат комитеті; құраст. Ә. Файзуллаұлы. - Алматы : Балауса, 2013. - 96 б. : түрлі-түсті сурет.
Күл-қыз («Әйбат ертегілер» топтамасы) – Алматы: «Аруна» баспасы. – 24 бет.
«Әйбат ертегілер» топтамасы бойынша шыққан «Күл-қыз» ертегісі балдырғандарды ғажайып оқиғалармен қызықтырып, оларды арман-қиялға жетелейтін қызықты ертегі.
Қиял-ғажайып ертегілер. – Алматы: Аруна баспасы – 93 бет.
Кітапта халық ауыз әдебиетінің желісі бойынша жазылған қиял-ғажайып ертегілер берілген. Кітаптың тілі балаларға түсінікті, іші суреттермен әспеттелген.
Ермек Өтетілеуұлы. Ойыншықтар. Игрушки. Toys. Алматыкітап баспасы, 2009. - 31 бет.
Е.Өтетілеуұлының бұл кітабы Қазақстан Республикасының Білім және ғылым министрлігімен мектепалды және бастауыш сыныптың оқу-тәрбие үрдісінде пайдалануға ұсынылады. Кітапта балаларға арналған ойыншық түрлері үш тілдегі (қазақ, орыс, ағылшын тілдеріндегі) өлең жолдарымен сипатталған.
Өнегелі ертегілер [Мәтін] : жануарлар туралы халық ертегілерінің жинағы / ред. Қ. Байғабылова. - Алматы : Аруна, 2007. - 72 б. : ил. - (Қазақ ертегілерінің антологиясы).
"Өнегелі ертегілер" - көркем суретті жануарлар туралы халық ертегілерінің жинағы. Балаларды кішкентайынан халық ауыз әдебиетімен сусындатып, олардың ой-өрісін, танымдық қабілетін дамытады.
Файзуллаев Ә. Ақылыңа ақыл қос: / Әлібек Файзуллаев. – Алматы: «Таймс» баспа үйі, 2016. – 192 бет.
О бастан әділдікке, адамгершілікке бастайтын жол – ата-ананың балаға берер тәлім-тәрбиесі.
Демек, жас өскін ұрпақ осы кітаптан өзіне өмірлік серік - сенімділікті, адами қасиеттерді бойына сіңіре алады.
Кітаптағы әңгіме арқауы қысқа да нұсқа, түсінікті тілмен түйінделген.
Неталиев Мақсұт. Өлеңдер, ертегілер (Балаларға арналған). — Алматы:
«Баур» баспасы, 2008. —108 бет.
Бұл кітапқа ақынның, мектеп жасына дейінгі және бастауыш сынып балаларына арналған, олардың танымдық қабілетін арттырып, қиялын өрістететін тағылымдық әрі тәрбиелік мәні бар қызықты өлеңдері топтастырылған.
“Базарлық” /Ауд. — Қ, Кұрманғали. “Глобус” Баспа үйі”, 2009. — 400 б.
Жинаққа бірқатар шетелдің белгілі жазушыларының балаларға арналған әңгімелері мен ертегілері қазақшаға аударылып, топтастырылған. Әралуан тақырыпты қамтитын көркемдігі келісті, сюжеті қызықты туындыларда оның кейіпкерлерінің мөлдір сезімі, адалдығы мен аңғалдығы, мейірімділігі суреттеледі. Одан бүлдіршін оқырмандардың алар тәлімі толайым екендігі де ақиқат.
Ал кітаптың “Базарлық,” аталуының сыры бар. Ол шетел қаламгерлерінен қазақ жеткіншектеріне тартылған тарту — базарлық, міндетін атқарып тұр.
Смақов Ж. Бақ-бақ: Өлеңдер, тақпақтар, жұмбақтар. – Алматы: Рарирет, 2008. – 208 бет. – «Балалар әдебиетінің алтын қоры» сериясы.
Жақан Смақов (1932-1974) – қалам ұстағанынан балаларға, әсіресе балдырғандарға арнап өлең жазған ақын. Шығармаларын оқыған адам оның тумысынан бөбек жанын ұғып, тілін біліп, сырласуға жаралған дарынды ақын екеніне көңілі әбден сенеді. Бұл кітапқа ақынның балаларға арналған таңдаулы туындылары еніп отыр.
ЖЕР-ЖАҺАНҒА САЯХАТ. – Алматы: «Аруна» баспасы. – 88 бет. – Сер.: «Балаларға арналған танымдық энциклопедия».
Халқымызда «Ізденген – жетер мұратқа» деген дана сөз бар. Яғни, әр нәрсені білуге талпынып, білімнің тереңіне бойлау – адамды кемелдікке жеткізеді, рухани байытады. Дүниеде балалар түсіне бермейтін жайттар көп-ақ. Өмірді жете танып, бәрін білгісі келетін олар «Ол не?», «Бұл не?», «Неліктен?», «Қайда?», «Қашан?» деген тәрізді сұрақтарға жауап іздеп, бір тыным таппайды. Олардың осылайша ізденімпаздық танытуы – табиғи заңдылық.
Осы орайда, балаларға бағыт-бағдар сілтейтін түрлі танымдық әдебиеттердің көмегі аса зор екендігін ескере келе, кішкентай оқырмандардың білуге деген құштарлығын қанағаттандыру үшін «Аруна» баспасы «Балаларға арналған танымдық энциклопедия» топтамасын ұсынып отыр. Сан алуан тақырыпты қамтитын энциклопедиялар балалардың жан-жақты кемелденіп, білімін тереңдете түсуіне, өзі өмір сүріп отырған ортаның қыр-сырын тануға, алыс-алыс өлкелерге қиялында саяхаттауға көп көмегін тигізеді деп сенеміз.
Сегізбайұлы К. Жетім қонжық. Хикая және әңгімелер. Алматы: Атамұра, 2010. – 80 бет.
Жазушының балаларға арналған шығармалар жинағындағы «Жетім қонжық» хикаясы «ZHERSU» Корпорациясы мен Қазақстан Жазушылар одағы ұйымдастырған балаларға арналған 2009 жылғы дәстүрлі «Дарабоз» жабық бәйгеде бірінші орын алған. Туған табиғатты аялау мен оның құпияларын жеткіншектердің танып, білуіне арналған әңгімелері оқулықтар мен түрлі балалар басылымдарында жарияланған.
Қане, балалар, оқып көрейік.
Күміс кебеже. Қазақ ақындарының балаларға арналған өлеңдері. Құрастырған: О. Асқар - Алматы: «Балауса» баспасы, 2008. - 432 бет. Бұл әлем балалар әдебиетіне арналған 50 томдықтың бірі.
Қазақ балалар поэзиясына тұрақты қалам тербеп келе жатқан ақындар мен негізінен ересектерге жазатын танымал ақындардың да балалар өмірінен, балаларға арнап жазған өлең-жырлары да осы томға іріктеліп алынды.
11 - 19
<
>